O club de lectura Lendo Contigo iniciou tempada con moi bo pé. Foron máis de 30 nenos e nenas, con cadanseus pais e nais, os que se achegaron á Biblioteca de Gondomar para falar con Pepe Carreiro sobre o seu libro A noite de Samaín. Moitos dos asistentes eran xa seareiros do club, como as dúas súper presentadoras de Pepe Carreiro, pero tamén houbo moitas caras novas que desexamos que repitan experiencia.Durante a sesión puidemos falar con Pepe Carreiro dos personaxes do libro, do Samaín, dos celtas e dos castrexos, coñecimos lugares novos da xeografía de Galicia e puidemos ver en directo como debuxa o autor que deu vida aos Barbanzóns e tamén aos Bolechas.
O próximo mes, volverémonos xuntar para falar de A abella abesullona, e coñeceremos ao seu autor Manuel Janeiro. Temos unha cita!
No hay comentarios:
Publicar un comentario