Na Casa da Lectura está prevista esta semana a visita de dous piratas moi perigosos: Anxo Crispo, alias Capitán Calabrote, e Luís Morgan, rei dos bucaneiros miñoranos, que nos traerán poemas, cancións e contos piratas. Se queredes embarcarvos nas súas aventuras lectoras, podedes achegarvos este próximo mércores 9 ás 18:30h á Casa da Lectura (Nogueira, 8 - Donas).
Este mércores 3 de febreiro recibiremos na Casa da Lectura a visita dun contacontos que fala unha lingua que non todos coñecemos. Trátase de Camilo Gutiérrez, da Asociación de Persoas Xordas de Vigo, e vén contarnos dous contos en lingua de signos, Un cuíño independente e A miña mamá é preciosa.
O martes 1 de febreiro celebraremos a sesión mensual do club Sete Vidas centrada na lectura do éxito literario da escritora francesa Muriel Barbery, A elegancia do ourizo (Galaxia, 2008). A cita será, coma sempre, a partir das 20.00 horas na Biblioteca Municipal de Gondomar.Coa súa segunda novela, Muriel Barbery converteuse en pouco tempo nunha revelación literaria, primeiro en Francia e logo en toda Europa. A elegancia do ourizo conta a historia de Renée, a porteira dun edificio do París burgués. Viúva, cativa e laída, ninguén sospeita que é máis culta ca todos os ricos finchados que moran na veciñanza. E a de Paloma, que vive na mesma casa, ten doce anos, é extraordinariamente intelixente e négase a ter como destino a vacuidade e a inepcia da existencia adulta. Cando faga trece anos, ten pensado suicidarse.
Muriel Barbery (Casablanca, Marrocos, 1969) é unha escritora francesa, profesora de filosofía, autora das novelas Una golosina (2000), traducida a doce linguas, e A elgancia do ourizo (2006) (publicada en galego por Galaxia en 2008). Esta última obra tivo un grande éxito no seu país con máis de 30 edicións e máis dun millón de exemplares vendidos, ocupou o primeiro lugar de vendas durante 30 semanas consecutivas e foi traducida a numerosos idiomas. A directora francesa Mona Achache rodou a película O ourizo baseándose nesta novela.
Para ler máis- Reportaxe en El País
Este luns, 31 de xaneiro, a partir das 18.00 horas, no Recanto do Contomar da Biblioteca de Gondomar vanse ler, entre outros, os contos A viaxe de Pancho, O sultán e os ratos ou Se os gatos levasen botas gobernarían as ras.
Imaxes do Contomar do luns 24 de xaneiro
O sábado 29 de xaneiro terá lugar a sesión mensual do Club de Lectura Compartida Lendo Contigo, dedicado a nenos e nenas de 8 a 12 anos, e seus pais e nais, e organizado por Espazo Lectura.
Este mércores, na Casa da Lectura, a partir das 18.30 horas, esperamos unha visita extraplanetaria. Cómpre picar sobre a imaxe anterior para ler toda a información.
Dende Espazo Lectura damos a benvida e agradecemos a súa colaboración e compromiso co noso proxecto de dinamización lectora á editorial Ir Indo, que se incorpora como socio protector da asociación.
Amelia entrou no salón. O seu pai estaba sentado na súa cadeira favorita lendo o xornal.
