14/3/11

Profesoras do CRA Antía Cal visitan a Casa da Lectura

Este mércores, a Casa da Lectura recibe a visita das profesoras do Centro Rural Agrupado Antía Cal de Gondomar. Entre outros contos, lerannos O nacemento do dragón. A través desta lectura coñeceremos a orixe desta criatura mítica que en Asia é sinónimo de paz e que foi creada en tempo inmemorial polos nenos e nenas de diversas tribos chinesas.
A actividade comezará a partir das 18.30 horas e a Casa da Lectura xa estará aberta unha hora antes para os lectores e lectoras que queiran achegarse a ela.

A anterior actividade de dinamización lectora na Casa da Lectura estivo dedicada ao entroido. Estas son algunhas imaxes dese día.