Dende Espazo Lectura damos a benvida e agradecemos a súa colaboración e compromiso co noso proxecto de dinamización lectora a Vichelocrego Teatro, que se incorpora como socio protector da asociación.Vichelocrego Teatro é unha asociación sen ánimo de lucro que ten como finalidade a promoción do teatro. A súa sede social atópase en Gondomar. Constituíuse como tal no ano 1999 partindo da necesidade de manter e consolidar un grupo emerxente de afeccionados e cultivar ao mesmo tempo esa afección no ámbito do teatro escolar. A partir da creación da asociación fúndase, no mesmo ano, o grupo de teatro de igual nome.
Os socios protectores de Espazo Lectura son, segundo os propios estatutos da organización, "aquelas persoas físicas ou xurídicas que, a xuízo da Xunta Directiva, contribúen materialmente e de forma notable ao sostemento da asociación". Vichelocrego Teatro súmase así a outros colaboradores que xa forman parte de Espazo Lectura como, El Patito Editorial, Ir Indo, Rinoceronte, Patasdepeixe, Edicións do Cumio, Galaxia, Kalandraka, OQO, Rodeira, Xerais, Berrobambán e diferentes centros de ensino do Val Miñor. Deste xeito, entre editoras, empresas e asociacións culturais e centros de ensino, Espazo Lectura suma xa 22 socios protectores aos que a asociación lles quere expresar o agradecemento polo seu apoio.
No hay comentarios:
Publicar un comentario