Intervención do escritor Miguel Vázquez Freire na última sesión do Club de lectura compartida Lendo Contigo, o sábado 26 de xaneiro de 2008, na Biblioteca Pública de Gondomar, organizado por Espazo Lectura.
28/1/08
A paz, no Contomar
Esta semana celébrase o Día da Paz e o Contomar quere contribuír á necesaria reflexión sobre o que a palabra PAZ significa... (ver máis).
27/1/08
IX Salón do Libro Infantil e Xuvenil de Pontevedra
Dende hoxe e ata o 2 de febreiro pódese visitar a novena edición do Salón do Libro Infantil e Xuvenil de Pontevedra que se celebra no Pazo da Cultura da cidade.A edición deste ano ten como motivo principal o mar e dende a organización convídannos a que nos mergullemos "nun mar que ole a todos os salitres do mundo. Nas mareas viaxan letras escritas en todos os idiomas inventados que traen historias fabulosas de pobos submarinos, criaturas con branquias e correntes oceánicas. O mar é a patria dos recordos, a paisaxe da infancia, a banda sonora dunha emoción… e o acubillo dos poetas.”
Durante toda a semana poderemos nadar nun mar de lecturas e participar en actividades que van dende sesións de contacontos a presentacións de libros; dende obradoiros de pintura a representacións teatrais; dende conferencias a concertos...
Así que botemos man do flotador e a nadar!
23/1/08
Miguel Vázquez Freire no Club de lectura compartida Lendo contigo
Este próximo sábado 26 de xaneiro o escritor Miguel Vázquez Freire estará ás 12:oo horas na biblioteca municipal de Gondomar para participar na 2ª sesión do Club de lectura compartida Lendo Contigo, unha actividade de dinamización lectora que promoven Espazo Lectura e a ANPA As Pontes. O libro proposto para este encontro é Contos de Reis e de Nadal, aínda que se recomendaron tamén outros libros do autor como A malvada María Xosé, O neno que tiña medo dos robots/O robot que tiña medo dos nenos ou María é maior.
O Club de lectura compartida Lendo Contigo é unha actividade dirixida a nais e pais e a nenos e nenas de 8 a 11 anos. Comezou a súa andaina o pasado mes de decembro cunha 1ª sesión na que contamos coa presenza do escritor Agustín Fernández Paz e na que participaron 50 persoas. Propoñemos cada mes un libro para que o lean tanto os nenos que se apunten como o pai ou a nai, de xeito que poidan compartir impresións sobre a lectura e logo reunirse na biblioteca o último sábado do mes cos demais participantes para charlar sobre o libro.
O Club de Lectura Compartida Lendo contigo nace desde Espazo Lectura e a ANPA As Pontes como unha proposta complementaria do programa de contacontos Contomar que se celebra semanalmente desde hai case dous anos na Biblioteca Municipal de Gondomar e pretende darlle continuidade ao labor de dinamización lectora que desenvolvemos. Se co Contomar pretendiamos fomentar entre os máis pequenos o achegamento aos contos e o uso da biblioteca pública, con esta nova proposta queremos crear un novo espazo que lles permita aos nenos manter esa vinculación coa biblioteca e fomentar a lectura crítica e a capacidade para reflexionar sobre o que se leu.
O Club de lectura compartida Lendo Contigo é unha actividade dirixida a nais e pais e a nenos e nenas de 8 a 11 anos. Comezou a súa andaina o pasado mes de decembro cunha 1ª sesión na que contamos coa presenza do escritor Agustín Fernández Paz e na que participaron 50 persoas. Propoñemos cada mes un libro para que o lean tanto os nenos que se apunten como o pai ou a nai, de xeito que poidan compartir impresións sobre a lectura e logo reunirse na biblioteca o último sábado do mes cos demais participantes para charlar sobre o libro.
O Club de Lectura Compartida Lendo contigo nace desde Espazo Lectura e a ANPA As Pontes como unha proposta complementaria do programa de contacontos Contomar que se celebra semanalmente desde hai case dous anos na Biblioteca Municipal de Gondomar e pretende darlle continuidade ao labor de dinamización lectora que desenvolvemos. Se co Contomar pretendiamos fomentar entre os máis pequenos o achegamento aos contos e o uso da biblioteca pública, con esta nova proposta queremos crear un novo espazo que lles permita aos nenos manter esa vinculación coa biblioteca e fomentar a lectura crítica e a capacidade para reflexionar sobre o que se leu.
20/1/08
22/12/07
17/12/07
Agustín Fernández Paz en Lendo Contigo
A participación do escritor Agustín Fernández Paz na primeira sesión do Club de Lectura Compartida Lendo Contigo, organizado por Espazo Lectura (a entidade promotora do Contomar) resultou moi interesante para todos e todas os asistentes, nenos e pais. O libro do autor que nos reuniu alí foi Un tren cargado de misterios, aínda que as nenas e nenos preguntaros sobre moitos outros libros de Agustín que tamén leran.
A continuación reproducimos un fragmento da intervención do escritor Agustín Fernández Paz o pasado sábado 15 de decembro de 2007, na Biblioteca Pública de Gondomar, nesta nova actividade organizada por Espazo Lectura.
A continuación reproducimos un fragmento da intervención do escritor Agustín Fernández Paz o pasado sábado 15 de decembro de 2007, na Biblioteca Pública de Gondomar, nesta nova actividade organizada por Espazo Lectura.
18/11/07
Lectura para todas as idades
Dado que Contomar leva case dous anos funcionando, o Club de Lectura Compartida Lendo contigo, é unha proposta de nova creación. Son dúas actividades intimamente relacionadas e, en certo modo, o club de lectura nace como consecuencia do éxito contacontos Contomar, xa que detectamos que comeza a haber nenos e nenas que viñeron a todas as sesións nestes dous cursos anteriores e que agora comezan a non vir porque a súa idade xa non se axusta ao perfil da actividade. Parecíanos unha mágoa perder eses usuarios habituais da biblioteca e decidimos facer unha nova proposta máis axeitada á súa idade, de xeito que cubrimos así coas dúas actividades as franxas de idade que corresponden con educación infantil e primaria. Tendo en conta, ademais, que na biblioteca do IES Auga da Laxe de Gondomar, coa que mantemos unha estreita liña de colaboración, funciona desde hai tres anos un Club de Lectura para o alumnado de secundaria e as súas familias, a nosa proposta vén cubrir ese chanzo intermedio que podería contribuír a manter a vinculación dos rapaces coa asistencia a actividades de dinamización lectora.
Xa que logo, nestes momentos os lectores infantís e xuvenís do Concello de Gondomar gozan dunha oferta completa na medida en que se cubren todos os posibles tramos de idade lectora.
Xa que logo, nestes momentos os lectores infantís e xuvenís do Concello de Gondomar gozan dunha oferta completa na medida en que se cubren todos os posibles tramos de idade lectora.
Nace Lendo contigo
Logo da experiencia denominada Contomar, que se celebra desde hai case dous anos, como unha actividade de fomento da lectura, na Biblioteca Municipal de Gondomar, plantexámonos dar un novo paso adiante. Como sabedes, Contomar inclúe sesións semanais de contacontos para nenos e nenas de 3 a 8 anos, aberta a todas as familias que o desexen e a todos os nenos e nenas dos diferentes centros educativos do Val Miñor.
Agora propuxémonos inaugurar unha nova liña de actuación dirixida aos nenos e nenas de 8 a 11 anos e aos seus pais e nais: o club de lectura compartida Lendo contigo. Para asegurar o éxito do Club de Lectura Compartida Lendo Contigo comezamos a posta en marcha do noso proxecto a través de conversas cos directores de todos os colexios de Educación Primaria do concello de Gondomar para difundir a proposta e conseguir o seu apoio na dinamización e difusión da mesma, elaboración dos materiais para publicitar a iniciativa.
Agora propuxémonos inaugurar unha nova liña de actuación dirixida aos nenos e nenas de 8 a 11 anos e aos seus pais e nais: o club de lectura compartida Lendo contigo. Para asegurar o éxito do Club de Lectura Compartida Lendo Contigo comezamos a posta en marcha do noso proxecto a través de conversas cos directores de todos os colexios de Educación Primaria do concello de Gondomar para difundir a proposta e conseguir o seu apoio na dinamización e difusión da mesma, elaboración dos materiais para publicitar a iniciativa.
1/11/07
Espazo Lectura
Espazo Lectura é unha asociación para o fomento e a animación á lectura, con especial cometido na animación á lectura en lingua galega. Está ubicada no Val Miñor e organiza actividades sen ánimo de lucro relacionadas coa promoción lectora, así como calquera outro tipo iniciativas que teñan que ver coa promoción da lectura e do libro como referente de benestar social e coa consideración do libro como elemento socializador, indispensable para elevar o nivel educativo, a conciencia crítica, a capacidade analítica e, en definitiva, a calidade de vida e o ocio das persoas.
Para levar a cabo os seus fins, Espazo Lectura mantén unha programación, tanto estable como conxuntural, en relación cos cometidos que persegue, atendendo ao principio de que o libro ou a lectura sexan o elemento nuclear e de referencia. As populares sesións de contacontos coñecidas baixo o nome de Contomar son a actividade fundacional deste colectivo.
O traballo de Espazo Lectura oriéntase basicamente en tres liñas principais: creación e animación de clubs de lectura, formación en fomento da lectura e divulgación.
Para levar a cabo os seus fins, Espazo Lectura mantén unha programación, tanto estable como conxuntural, en relación cos cometidos que persegue, atendendo ao principio de que o libro ou a lectura sexan o elemento nuclear e de referencia. As populares sesións de contacontos coñecidas baixo o nome de Contomar son a actividade fundacional deste colectivo.
O traballo de Espazo Lectura oriéntase basicamente en tres liñas principais: creación e animación de clubs de lectura, formación en fomento da lectura e divulgación.
Suscribirse a:
Entradas (Atom)